Dele Alli រង​ការ​ខូច​ចិត្ត​បន្ទាប់ពីការ​វិល​ត្រឡប់​មក​វិញ​ពី​របួស

 អតីតតារាឆ្នើមរបស់ Tottenham និងអង់គ្លេសរូបនេះបានមានបញ្ហាឆ្អឹងផាល រយៈពេលវែងចាប់តាំងពីខែកុម្ភៈ។

លោក Sean Dyche គ្រូបង្វឹកក្រុម Everton បាននិយាយកាលពីពេលថ្មីៗនេះថា ក្លឹបបាននឹងកំពុងគ្រប់គ្រងបញ្ហា និងធ្វើឱ្យប្រាកដថាការវិលត្រឡប់របស់ Alli ទៅកាន់ក្រុមដំបូងរបស់ក្លឹបគឺរលូន។

ទោះជាយ៉ាងណាក៏ដោយនៅថ្ងៃចូលឆ្នាំសកល Alli បានចូល Instagram របស់គាត់ដើម្បីបង្ហោះសារដ៏កក់ក្តៅដល់អ្នកគាំទ្រ Everton និងបានធ្វើបច្ចុប្បន្នភាពអំពីការវិលត្រឡប់របស់គាត់ទៅបាល់ទាត់។

គាត់បាននិយាយថា៖ «នៅពេលដែលឆ្នាំឈានចូលមកដល់ ខ្ញុំគ្រាន់តែចង់និយាយអរគុណចំពោះការគាំទ្រដ៏អស្ចារ្យដែលខ្ញុំបានទទួលក្នុងរយៈពេល 12 ខែចុងក្រោយនេះ។

ខ្សែបម្រើរូបនេះបានចូលរួមជាមួយ Everton ក្នុងខែមករា ឆ្នាំ 2022 ហើយបានចុះហត្ថលេខាលើកិច្ចសន្យារយៈពេល 2 ឆ្នាំកន្លះ ដែលគ្រោងនឹងផុតកំណត់នៅចុងបញ្ចប់នៃរដូវកាលនេះ។

បន្ទាប់ពីបង្ហាញខ្លួនបាន 13 ប្រកួតសម្រាប់ក្លឹបនៅ Premier League គាត់បានចូលរួមជាមួយ Besiktas ក្នុងលក្ខខណ្ឌខ្ចីជើងនៅដើមរដូវកាលមុន។ ពេលវេលារបស់គាត់នៅក្នុងប្រទេសទួរគីមានរយៈពេលត្រឹមតែ 15 ប្រកួតប៉ុណ្ណោះបន្ទាប់ពីនោះគាត់បានត្រលប់ទៅ Merseyside វិញ។ព័ត៌មានកីឡាថ្មីៗប្រចាំថ្ងៃ